Тукталыш кирәк безгә

Шәһәребезнең "Диксис" салоны янында автобус павильоны бар иде. Красная Горкага автобус көтүчеләр анда яңгырдан, кардан, җилдән ышыкланып басып торды. Тротуар ясаганда аны сүттеләр. Яңасын куярлар дип өметләнгән идек. Юкка чыкты... Балалар бакчасыннан чыккан сабыйлар, карт-корылар, олы хуҗалык сумкасы күтәргән хатыннар өеребез белән автобус көтәбез. Сумка куярга, баланы утыртып торырга, кереп ышыкланырга урын юк. Бирегә маршрут буенча автобус туктаганын, ә павильонның юклыгын без генә күрәбез микәнни?!