Кечкенә авылда зур төзелеш

Күперле, юллы һәм буалы булачаклар. "ПМК-Мелиорация" оешмасы Алан авылына әнә шундый бүләк әзерли. Кыш айларында тормыш туктап калгандай булса да, иртә яздан, кара көзгә кадәр Алан авылы тумышлары белән шушы төбәктән булган кешеләр өчен дача ролен үти. Быелга кадәр бирегә басу юлыннан гына килергә мөмкин иде. Ә көчле яңгырлардан соң, гомумән, Аланга юл өзелеп торды. Кемнәрдер машиналарын күрше авылда калдырып, җәяүләп килүне хуп күрсә, икенчеләр транспорт чараларын урман буенда калдырдылар. Быел, ниһаять, әлеге проблема уңай якка чишелеш алачак, дип өметләнәләр.