Сирәкләрнең берсе

Әдәбиятны үстерүгә керткән хезмәтләре өчен "Мәдәни җомга" газетасының баш мөхәррире, якташыбыз, Түбән Ушма авылында туып-үскән, олы иҗатка тәүге адымнарын районыбызның "Агымсу" әдәби-иҗат берләшмәсендә башлаган Зиннур Мөҗип улы Мансуровка "Татарстан Республикасының халык шагыйре" дигән мактаулы исем бирелде. Мамадышлылардан мондый олы исемгә беренче булып лаек булды ул. "Татарстан Республикасының халык шагыйре" исемен йөртүчеләр дә бүген алтау гына. Якташыбызны бу олы исеме белән котлыйбыз, аңа тагын да зуррак иҗат уңышлары телибез.