Раштуа чыршысы

ТРАДИЦИОН РАШТУА ЧЫРШЫСЫ быел Мамадышта ундүртенче тапкыр кабынды. Анда чыгыш ясаучылар яшьләрнең дә, картларның да йөрәгенә үтеп керердәй сүзләр таптылар. "Раштуага муенса" дип исемләнгән спектакль халык күңеленә хуш килде. Өстәмә белем бирү педагоглары Татьяна Якушева һәм Татьяна Шипкова шәкертләренең актерлык осталыгы елдан-ел арта бара. Тамаша балалар сәнгать мәктәбе укытучысы Александр Штейнгауэр көйләре белән үрелде. Сабыйлар чыршы тирәли әйлән-бәйлән уйнадылар, аз тәэмин ителгән, күп балалы гаиләдә тәрбияләнүчеләр, ял көне мәктәбенә йөрүчеләр һәм яшь артистларга-барысы 200 балага Кыш Бабай күчтәнәч пакетлары өләште.