Казанга – ярминкәгә

Казанлылар! Сезне ярминкәгә көтәбез! Иртәгә, 6нчы октябрьдә, Мамадыш районының авыл хуҗалыгы формированиеләре Казанга чираттагы ярминкәгә баралар. Сүз уңаеннан, алдагы ярминкәдә мамадышлылар сатуга 2 миллион ярым сумлык товар куйган иде. Бу юлы Яңа Савин районы базарында үз товарларын Кирмән икътисадый зонасына керүче хуҗалыклар тәкъдим итәчәк. "Трудовик", "Передовик" ҖЧҖләре, "Шакирҗанова" КФХ, АПК "Азык-төлек программасы" коллективлары, шулай ук район кулланучылар җәмгыяте, азык-төлек промышленносте предприятиеләре сәүдә рәтләренә ит-сөт продуктлары, бәрәңге, яшелчә, печән, салам кебек авыл хуҗалыгы продукцияләрен куячак. Сату 6нчы октябрьдә 7.00 сәгатьтә башлана.