Үзәк мәйданда бу шимбәдә Май чабу бәйрәме үтә

Район күләмендә Май чабу (Масленица) атналыгы дәвам итә. Май чабу - керәшеннәрдә, славяннарда кышны озатып, язны каршылау бәйрәме. Борынгы йолалар безнең районда да яңара. Киң колачлы Май чабу бәйрәме 16 март көнне билгеләп үтеләчәк. Әлеге инициатива белән рус мәдәнияте җәмгыяте чыкты. Чара үзәк мәйданда үтәчәк.

Шулай ук биредә иртән авыл хуҗалыгы ярминкәсе оештырылачак. Үз товарларын Үсәли, Тәкәнеш һәм Кызыл Тау авыл хуҗалыклары тәкъдим итәчәк. Ә бәйрәм уңаеннан бик бай программа да каралган. Ул үз эченә традицион рус уеннарын, кайнар коймак, атларда йөрү, карачкы яндыру һ.б. йолалаларны ала.