ҮЗГӘРЕШЛӘР КӨТЕЛӘ

РФ Пенсия фонды 2030 елга кадәр пенсия системасы үсеше юнәлешләре турында сөйләде. Пресс-конференция шушы көннәрдә Пенсия фондының барлык региональ органнары белән берлектә видеоконференция режимында үтте. Россия Пенсия фонды идарәсе рәисе Андрей Дроздов 2013-2015 елларда пенсияне индексацияләү буенча планнар белән уртаклашты, ПФ бюджеты турында сөйләде, шулай ук пенсия фонды үсеше юнәлешләренең төп үзенчәлекләрен яктыртты. "Стратегияне тормышка ашыру нәтиҗәсендә пенсия системасы гражданнарга үзләре өчен иң отышлы юлны сайлап алу мөмкинлеген бирерлек аңлаешлы һәм ачыктан-ачык булачак",-дип билгеләп узды Россия Пенсия фондының ТР буенча бүлекчәсе идарәчесе Марсель Имамов.