Төзергә кирәк

"Җир участогы алып, аны шәхси милеккә рәсмиләштергәнгә өч ел вакыт узды. Төзелеш өчен әлегә акчам җитми. Участокны алырга мөмкиннәр икән дип ишеттем. Ни өчен? Ул бит шәхси милектә. Семен. Мамадыш". Әлеге сорауга Мамадыш муниципаль район Башкарма комитетының хокук бүлеге начальнигы Радик Ефимов җавап бирә: -РФ Җир кодексының 11нче маддәсе нигезендә, җир мөнәсәбәләренә кагылышлы өлкәдә җирле үзидарәләр органнары вәкаләтенә җирләрне резервлау, шул исәптән муниципаль ихтыяҗлар өчен алу керә. Мөрәҗәгатегездән күренгәнчә, җир участогы сезгә шәхси төзелеш өчен бирелгән. Ул бүгенге көнгәчә (3 елдан артык) максатчан кулланылмаган. Андый җирләрне инвентарьләштерү нәтиҗәләре буенча материаллар мәҗбүри тартып алу өчен район судына җибәрелә, участоклар шәһәрдәге мохтаҗларга һәм күп балалы гаиләләргә бирелә.