“Елмаеп алыйк әле” конкурсының җиңүчесе билгеле

Якынлашып килүче Көлке көне уңаеннан игълан ителгән "Елмаеп алыйк әле" конкурсына нокта куйдык. Белгәнегезчә, әлеге бәйгенең асылы елмаюларына карап танылган шәхесләрне танудан гыйбарәт иде. Катнашучылар арасында җиңүчене 1нче апрель көнне ачыкларга вәгъдә биргән идек, тик "сүзебездә тора алмадык": Җиңүче инде бүген үк билгеле. Бәйгенең шарты буенча җаваплар mamadysh-rt.ru сайтында "Конкурслар" сәхифәсенә юлланырга тиеш иде. Шунлыктан язмача килгән җавапларга игътибар бирмәскә булдык. Ә сайтка иң беренче булып дөрес җавапны Гөлия Шәрипова юллады. Котлыйбыз! Гөлия туташ (ә бәлки ханымдыр), редакциядә Сезне бүләк көтә!