Мамадышта “Шигърият паркы“ эшли

Үзәкләштерелгән китапханәләр системасы хезмәткәрләре әдәбият сөючеләрне “Шигърият паркы“на чакыра. Ул Совет урамында, балалар сәнгать мәктәбе каршында урнашкан. Биредә җирле язучыларыбызның җыентыклары белән таныша, аларның яңа әсәрләрен тыңлый аласыз. Каләм осталары үзләре дә кичәнең хөрмәтле кунаклары исемлегендә. Тамашаны иркенләп карау өчен утыргычлар да урнаштырдылар. Оештыручылар әйтүенчә, бүген биредә күбесенчә патриотик рухтагы чыгышлар булачак. Кунаклар өчен җырлар да әзерләнгән.