Общество.
Мамадышлыларны Семык бәйрәменә чакыралар
Иртәгә Зур Шыя авылында традицион мари культурасы бәйрәме Семык узачак. Бу төбәктә аны зурлап әле икенче ел гына үткәрәләр.
Төп чаралар авыл мәдәният йорты ишегалдында оештырыла. Программада гаилә парлары арасында ярыш, балалар өчен бәйгеләр һәм уеннар, спорт ярышлары, фольклор коллективлары чыгышлары һәм концерт номерлары каралган. Бәйрәм иртәнге 10 сәгатьтә башланачак.
Семык – мари милли бәйрәме, җәй җиткәнен белгертә. Бәйрәмнең төп идеясе – үлгәннәрне искә алу һәм хуҗалык эшләрендә һәм көнкүрештә уңышлар сорау.
Следите за самым важным и интересным в Telegram-каналеТатмедиа
Нет комментариев