Мамадышлы Земфира Фәттаховадан шарлотка рецепты

Дүрт йомырканы яхшылап туглыйбыз һәм шуңа бер стакан шикәр комы өстибез. Чәй калагының очына гына сода алып, аны аш серкәсе белән сүндерәбез. Яки рыхлитель куллансаң да була. Шуңа 1-1,5 стакан он салып яхшылап болгатабыз да, табага агызабыз. Алманы кем ничек тели – шуның кадәр турый ала.

Тагын бер сер: ябышмасын өчен табаны эретелмәгән ак май белән майлыйбыз, манный ярмасы сибәбез. 180 градуста җылытылган духовкага тыгып 25 минут пешерәбез.

Тәмле булсын!

Фото шәхси архивтан