Мамадыш пенсионерларының зиһене ник ачык

9нчы февральдә компьютер грамоталылыгы нигезләре курсын тәмамлаган бер төркем пенсионерларга сертификатлар тапшырылды. Әлеге тантанада Россия Федерациясе Пенсия Фондының Татарстан Республикасы буенча идарәсенең контроль-ревизия бүлеге начальнигы Фәрит Закиров һәм Мамадыш районындагы идарәсе начальнигы Шамил Хәсәнов та катнаштылар. Шул ук көнне “Олимп“ спорт-комплексында өлкәннәр арасында шахмат һәм шашка буенча  темп-турнирның беренче сайлап алу этабы узды. Эльмира Хәмидуллина хөкемдарлык  иткән бәйгедә 33 кеше катнашты. Шашка һәм шахмат буенча да хатын - кызлар арасында Фирдәүсә Җиһаншина, Сания Ибраһимова, Алсу Мөхәммәтшина җиңү яуладылар. Ирләр арасында шахмат буенча призлы урыннар - Разин Вильданов, Мөхәммәтнур Фәтхуллин, Әгъзаметдин Низамовта, ә шашка буенча - Мөхәммәтнур Фәтхуллин, Николай Мамашев, Разин Вильдановта. Беренче урыннарны алучылар 28нче февральдә районыбыз данын башкалабызда яклаячак.

Фото автора