Каникул көннәрендә балаларга нәрсәдән куркырга кирәк

 - Соңгы ике атна эчендә Татарстан сулыкларында кече суднолар белән бәйле ике бәхетсезлек очрагы теркәлде инде. Нәтиҗәдә ике кеше һәлак булды. Тагын ике ир-атны эзләү әлегәчә дәвам итә. Әлеге фаҗигале вакыйгалар уңаеннан судно хуҗаларына мөрәҗәгать итәм: үз тормышыгызны юк-бар тәвәккәллекләргә дучар итмәгез, суда куркынычсызлык кагыйдәләрен саклагыз, коткару жилетларын киегез. Катлаулы һава шартлары, көчле җил вакытында юлга чыкмагыз. Тирән дулкыннар каккан елгага кермәгез. Болар барысы да кече суднолардан файдаланганда тискәре йогынты ясый. Көймәләрне консервациягә куяр чор килеп җитте, навигация тәмамланырга 20 көннән дә азрак вакыт калды.

Эчке сулыкларда, буаларда боз катлавы инде хасил булырга да мөмкин. Андый бозлар ел саен кешеләрне харап итә. Күбесенчә балалар элпә калынлыгындагы боз астында нинди афәт сагалаганын абайламый да кала.

Ата - аналарның игътибарын бу мәсьәләгә тагын бер кат юнәлтәсем килә: сабыйларны караучысыз калдырмагыз! Бигрәк тә 1-6нчы ноябрьләрдәге көзге каникуллар вакытында. Сулыклар һәм башка потенциаль куркыныч объектларга якын килмәсеннәр. Без мәктәпләрдә бу хакта махсус дәресләр уздырып торабыз. Тик ата-ана кайгыртуы, кискен сүзе тагын да мөһимрәк, үтемлерәк. Зинһар, үзегезгә иң якын кешеләрнең куркынычсызлыгы турында кайгыртыгыз! – ди бишенче санлы эзләү-коткару отряды начальнигы Сергей Зимин.