Вадим Захаров Мамадышта клип төшергән. Видео

Шушы көннәрдә Кукмара районының Пчеловод авылы егете, татар эстрадасының танылган җырчысы Вадим Захаров башкаруындагы "Көттермәсәк иде әнкәйләрне" җырына төшерелгән клип дөнья күрде. Яшь башкаручы үзенең шатлыгын безнең белән дә уртаклашты.

- Җыр белән үземне белгәннән бирле кызыксынам. Гаиләмдә мин бер генә җырчы. Берничә көн элек "Көттермәсәк иде әнкәйләрне" дип исемләнгән җырыбызга төшерелгән клибыбыз чыкты. Бу минем 6нчы клибым. Җыр сүзләрен Мамадыш егете Руслан Чернов, көен танылган композитор Айдар Тимербаев язды. Клипны республикабызның төрле район һәм авылларында төшердек. Алар арасында Казан һәм Кукмара да бар. Моннан тыш, Мамадыш районының Рәхмәт Алан һәм Уразбахта авыллары да клипта урын алды, - диде Вадим Захаров.

Әдел Әхмәтҗанов