Мамадышта соңгы биш елда үлем-китем 15,2 процентка кимегән

Бүгенге көндә районыбызда даими төстә 43802 кеше яши. Төрле профилактик чаралар үткәрелү, медицина учреждениеләренең матди-техник базаларын ныгыту, дәвалау диагностикасына яңа ысуллар кертү нәтиҗәсендә соңгы биш елда үлем-китем 15,2 процентка кими.

Узган ел бер мең кешегеә үлү очраклары 15,3 тәшкил иткән. Туучылар саны бер мең кешегә 13тән 11,3кә азайган. Үлем структурасында күп өлешне кан әйләнеше белән бәйле авырулар алып тора - 52 процент, онкология - 12, тән җәрәхәтләре һәм тышкы сәбәпләр 8 процент тәшкил итәләр.

Бу хакта район үзәк хастаханәсендә 2015нче ел йомгакларына һәм алдагы елга бурычларга багышланган медицина советының киңәйтелгән утырышында җиткерделәр. Биредә шулай ук ведомоствоара комиссиянең киңәйтелгән утырышы да булды.