Мамадышлылар районкүләм Корбан ашына чакырыла

Бөтендөнья мөселманнары әле күптән түгел генә иң бөек бәйрәм - Корбан гаетен билгеләп үттеләр. Аның дәвамы булып Корбан ашлары гөрли. Бүген бәйрәм мәҗлесен 2нче санлы лицей базасында район халкы өчен үткәрәчәкләр.
«Корбан ашын район күләмендә үткәрү матур традициягә әверелде. Әлеге чара район җитәкчелеге инициативасы буенча оештырыла. Шушындый ук мәҗлесләр мәхәлләләрдә дә оештырыла»,- ди район мөхтәсибе Илһам хәзрәт Миннегалиев.
Башлану вакыты 18.30 сәгатьтә. Корбан ашыннан соң кунакларны җәмәгать транспортында өйләренә таратачаклар. Мәҗлескә рәхим итегез!
Айгөл Әхмәтшина