Мамадышлылар 4 көн ял итәчәк

ТР Хезмәт, халыкны эш белән тәэмин итү hәм социаль яклау министрлыгы, оешмаларның күпсанлы мөрәҗәгәтенә җавап итеп, алда торган бәйрәмнәргә кагылышлы мәгълүмат җиткерә.

РФ Хезмәт кодексының 112 нче маддәсе нигезендә 8 март - Халыкара хатын-кызлар көне - эшләми торган бәйрәм көн булачак, диелә хәбәрдә.

2015 елның 24 сентябрендә чыккан 1017а номерлы "Ял көннәрен күчерү турында" РФ Хөкүмәте карары нигезендә, 3 гыйнварда якшәмбегә туры килгән ял көне - 7 март дүшәмбегә күчерелә.

Димәк, биш көнлек эш атнасы буенча эшләүчеләр өчен 5, 6, 7, 8 март ял көннәре булачак.