Мамадышка УФАС килә

25нче октябрь көнне Мамадышка Монополиягә каршы федераль хезмәтнең Татарстан идарәсе (УФАС) җитәкчесе урынбасары Гүзәл Шәфигуллина килә.

Иртәнге 9 сәгатьтә ул муниципалитет бинасының (Мамадыш шәһәре, Муса Җәлил урамы, 23/33нче йорт адресы буенча) 310нчы кабинетында гражданнарны кабул итәчәк. Кабул итүгә 8 (843) 236-89-22 яки 3-15-90 телефоннары буенча алдан язылырга мөмкин. Гүзәл Шәүкәтовна бизнес, җирле үзидарә органнары вәкилләре белән очрашырга да планлаштыра. Шәһәр мәгариф учреждениеләренең берсендә 9-11нче сыйныфлар укучылары белән ачык дәрес тә үткәрәчәк, муниципаль берәмлек өчен әһәмияткә ия булган предприятиеләрнең берсендә булачак.

Минневәрис МИНГАЛИЕВ