Мамадыш мөхтәсибәте республика масштабындагы чарага әзерләнә

29нчы ноябрь көнне Мамадыш шәһәрендә Татарстан Аксакаллары җыелышы узачак.

Чарагы республиканың төрле төбәкләреннән 130лап кеше килер дип көтелә. Шул уңайдан, бүген хакимият бинасында район мөхтәсибе Илһам хәзрәт Миннегалиев катнашында киңәшмә узды. Чара район Советы Аппараты җитәкчесе Вәзир Фәизов рәислегендә узды. Республика масштабындагы җыелыш программасы хакында бераз соңрак хәбәр ителер. Сүз уңаеннан, түгәрәк өстәл форматындагы фикерләшүдән соң, Илһам хәзрәт Миннегалиев Менделеевск шәһәренә юл тотты. Биредә бүген Төньяк казыяте утырышы оештырылды.