Мамадыш газетасы шатлыгыңны уртаклаша

Мамадышта яшәүче Гәүһәрия Вәлиева:
Подъездга кереп хат ташучы Альбина Яруллина почта әрҗәсенә газетны салуы булды Тәбрис абый "Нократ"ны эләктереп кереп тә китте. Аның артыннан без дә иярдек. Газетка язылдык инде. Районда яшәп, үз төбәгендәге гәҗиткә язылмаучыларны һич аңлый алмыйм. "Нократ" - күңелгә иң якын, халыкчан, бөтен моң-зарыңны, шатлыгыңны тыңлый-аңлый, уртаклаша торган басма бит ул. Тәбрис тә, үзем дә укырга яратабыз. Бөтен тәме белән укыйбыз. Газета чыгаруның нинди авыр, тынгысыз, җаваплы эш икәнен яхшы аңлыйм.

"Нократ"ның абруен югары тотып, халык яратып укый торган басма булып калуын телим.

Фирая Мингалиева