Онытылмас ул еллар

Зур Шыя мәктәбендә тыл хезмәткәрләре өчен бәйрәм тантанасы күтәренке рухта узды. Авылдан фронтка 128 кеше киткән, аларның 89ы яу кырында ятып калган. Ул көннәрнең тере шаһитлары булган 18 матур һәм шат күңелле әби әле бүген дә хатирәләре белән уртаклашып тора. Быелгы очрашуда да алар оныкларына иң изге теләкләрен җиткерделәр, концерт карадылар, сугыш елы җырларын үзләре дә кушылып башкардылар, җитәкчелек кулыннан бүләкләр, җылы котлаулар кабул иттеләр.

Наташа Якимова фотосы һәм тексты.