Күчемсез милеккә хокук теркәлгәнме

Район прокуратурасы авыл җирлекләрендә күчемсез милеккә хокукка дәүләт теркәвен уздыруда законлылыкны саклау буенча тикшерүләр үткәрде. Закон бозу очраклары бар.

ИРИНА ГОСАМОВА,

район прокуроры ярдәмчесе

ТР Җир һәм милек мөнәсәбәтләре министрлыгы тарафыннан Сон, Көек-Ерыкса, Түбән Шүләңгер, Урта Кирмән авыл җирлекләренә муниципаль милек итеп бирелгән дәүләт милкенә хокукны теркәүдә "Күчемсез милеккә хокукка һәм аның белән эш итүгә дәүләт теркәве уздыру турында" Федераль законның 2, 4, 5, 17нче маддәләрен һәм Россия Федерациясе Гражданлык кодексының 131, 164нче маддәләрен бозу күзәтелә. Әлеге тикшерүләр нәтиҗәсендә югарыда санап кителгән авыл җирлекләренә муниципаль мөлкәткә хокукка дәүләт теркәве уздыру зарурлыгы турында 9 дәгъва гаризасы судка җибәрелде. Җитәкчеләргә карата район прокуроры тарафыннан ТР КоАПның 4.4нче маддәсе нигезендә административ хокук бозулар турында эш кузгатылды.