Бүләк өстенә бүләк

Мамадыш район кулланучылар җәмгыяте коллективы яңа уңышларга иреште. Барлыгы 34 край һәм өлкә кулланучылар җәмгыятьләре, 84 кооператив оешмалар арасында аңа Россия Федерациясе Үзәк союзының Күчмә байрагы тапшырылды; гомуми һәм хәзерләүләр эшчәнлеге өчен - беренче, финанс хәлен ныгытканы өчен өченче урын бирелде. Җәмәгать туклануындагы җитештерелгән продукция әйләнешенең җәмәгать туклануына карата бәйләнеше, күп күләмдә ит һәм бәрәңге сатып алганы өчен Россия Федерациясе Үзәк союзы Советының Мактау грамоталары белән бүләкләнде. Ә шушы көннәрдә генә җәмгыять кулланучылар кооперациясе системасындагы җәмәгать туклануы хезмәткәрләре арасында кулинария һәм сервис буенча узган республика конкурсының дипломына лаек булды. Ул Татарстан Татарстан Республикасы Премьер-министры урынбасары - Татарстан Республикасы авыл хуҗалыгы һәм азык -төлек министры Марат Әхмәтов тарафыннан тапшырылды.